1.حبيبتي أحس اني اعرفك من زمان ............( يقولها وهو مطلع لسانه )
2. حبيبتي احس انك تختلفي عن كل البنات وغير عنهم...........( ليه لي قرون و ثلاث عيون )
3. ياليتني ياقلبي عارفتك من زمان .............( وهو عارف ممكن اكثر من 90 وحده قبلها )
4. انا ما اطلع واجد من البيت ولما اطلع انزل راسي ولا اناظر احد............( ايه هين ما اخترع الدجّه والهجولة الاّ له واشكاله )
5. انا احب الشعر ومن هواياتي الرسم والقراءة والسباحة.............( مسوي على باله رومانسي وهو لو يطب في صحن فيه مويه غرق .... الله اكبر يا السمكة عساه يتروش )
6. ما احب اقعد وغرفتي محيوسة واحب ابخرها............( والصحيح انه مايضمن النومه في الصالة ممكن يالله في السيب .... لا وبطانيته حامضة من السعابيل والريحة )
7. الصيف الجاي احتمال نروح لباريس ولا جنيف..............( زين ان راحوا لثمامة أو حفر الباطن ولاّ قعدوا في منفوحة )
8. تصدقي حبيبتي ما اعرف البس الا ماركات عالمية جداً...........( وهو ما يلبس الا خلاقين اخوه الي اكبر منه ولاّ من الحراج )
9. حبيبتي انا مشتهي موكا فرابشينو كرميل ............( والله انت حق بسكوت مالح ولا ابو موز الاخضر وشاي ابو وزة ويخب )
10. انا دايم اشتري عطوري من تناغرا وقزاز ............( وعطره الحقيقي هو الصندل حق العجز ولاّ كلونيا ليمون يشمه يقول كنك طالع من مثلوثة ماكل رز ومعطر يدينك )
11. ابوي بيطلع فياغرا 2009من الوكالة...........( وهو الضعيف ابوه معه ددسن موديل 82 وبدون مكيف بعد وحاط شد على الصندوق_يبيع جرو_ )
12. انا بيتنا على شارع التخصصي ولاّ يقول على شارع الامير عبدالله.............( والمنزل الحلو ممكن يكون في منفوحه ولا الشميسي والا حي الأمل )
13. حبيبتي انا اليوم ما اقدر اكلمك راح ادق دقه واسكر............( يعني اشحني جوالي خلصت بطاقة السوا ... هذي ياكثرهم )
14. حبيبتي انا من الناس اذا حبيت اسرفت يعني اذا حبيت حبيت..............( حبك تمساح ....قول آمين )
15. حبيبتي اليوم افطرت بيتزاء وممكن بكرة كرواسان...............( والصحيح افطر خبز صامولي حق الفسحه مع عسل وحلاوة طحينيه ما تجي صح ممكن انه يفطر معصوب بعد )
16. حبيبتي علاقتي معك ما احد يدري عنها لانها خصوصيات.............(ا لشغالة حقتهم - وراعي البقالة - عيال الحارة - خوياه مايدرون وبس لا يعرفون وجهي من توزيع الصور )
17. حبيبتي فيه وحده رقمنتي اليوم ولا خذيت رقمها ............( ومن هناك توه مقفل منها وانتي نايمه على العسل )
18. حبيبتي اليوم ماراح اقدر اكلمك رايح المزرعة مع اهلي ... اركب خيول ( والصدق انه مبتلش يريد يكلم وحده ثانيه ... ويالله حده البقالة الي جنبهم يشتري لها علك ... ما يعرف يركب خيول )..
هههههههه الحمدلله والشكر
الثلاثاء فبراير 17, 2009 3:04 am
